Ujedinjene nacije navode da je prijavljeno više od 100 novih slučajeva zlostavljanja koje su činili pripadnici mirovne misije u Centralnoafričkoj Republici, prenosi Beta.
Generalni sekretar Ban Ki Mun izjavio je da je “šokiran do srži” posljednjim izvještajima.
Američka grupa “AIDS-Free World” proslijedila je UN izvještaj u kojem se navodi da su četiri djevojčice odvedene u francuski vojni kamp gdje su bile vezane i primorane na odnos sa psom.
Portparol UN Stefan Dižarik izjavio je da je tim istražitelja koji je UN poslao u oblast Kemo intervjuisao 108 navodnih žrtava seksualnog zlostavljanja, većinom maloljetnica, koje se dešavalo od 2013. do danas. U izvještaju UN objavljenom ranije ovog mjeseca navedeno je da su od ukupno 69 optužbi za seksualne zločine mirovnjaka 22 stigle iz Centralnoafričke Republike.
Dižarik je rekao da UN ne mogu da potvrde navode iz izveštaja grupe AIDS-Free World o zlostavljanju djevojčica u koje je bio umješan komandant francuskih snaga 2014. godine, ali da se taj slučaj istražuje.
U tom izvještaju se navodi da je svakoj djevojčici dato po 5.000 centralnoafričkih franaka (oko devet dolara), a da je jedna devojčica kasnije umrla od nepoznate bolesti.
Ambasador Francuske pri UN Fransoa Delatre izjavio je da su ti navodi “bolesni i odvratni” i obećao disciplinski postupak protiv odgovornih ako ti navodi budu potvrđeni.
Genearlni sekretar UN Ban Ki Mun izjavio je da je “šokiran do srži najnovijim tvrdnjama” i da UN “skreću pažnju na te prezrive, izopačene i veoma uznemirujuće navode”.
Ban je dodao da djelovanje UN mora biti usaglašeno s djelovanjem zemalja članica, “koje jedine imaju moć da disciplinuju svoje snage s posljedicama”.
“To je od suštinske važnosti za obnavljanje poverenja u mirovne misije, koje su od neprocenjive vrijednosti, i još važnije za obezbjeđivanje pravde i ozdravljenje pogođenih zajednica”, rekao je Ban.
Visoki komesar UN za ljudska prava Zeid Rad el Husein nazvao je te navode “groznim” i dodao da su sve tri zemlje čiji su mirovnjaci optuženi za zlostavljanje, Burundi, Gabon i Francuska, obaviještene i da njihove vlade treba više da učine da zaustave svoje vojnike u činjenju tih nedjela.
Mirovnjaci UN u Centralnoafričkoj Republici i Kongu mjesecima su u žiži javnosti zbog navodnog seksualnog zlostavljanja dece. UN imaju više od 100.000 mirovnjaka raspoređenih u 16 misija širom svijeta.
